САРСУХАНИ МУАЛЛИФ БА КИТОБИ «БУРХИ ВАЛӢ ДӮСТИ ХУДО»

Султони Ҳамад

Хонандаи азиз, нахуст мехоҳам бигӯям, ки ҳарчанд китоб «Бурхи Валӣ дӯсти Худо» номгузорӣ шуда бошад ҳам, вале сухан дар он танҳо дар бораи ҳазрати Бурхи Сармасти Абдоли Валӣ — ин чеҳраи дар адабиёти классикиии мо, махсусан адабиёти ирфонӣ, хеле маъруф, намеравад. Шумо, хонандаи азиз, дар баробари гирифтани иттилои наву тоза дар бораи ин бузургвор ва шахсияти вай, боз маълумоти муфассалеро дар бораи Вахё, минтақае, ки марқади ин дӯсти Худо он ҷо воқеъ аст, дар бораи табиат, таърих ва мардуми наҷиб ва дигар авлиёи он ба даст оварда метавонед.

СУЛТОНИ ҲАМАД — БУРХИ ВАЛӢ — ДӮСТИ ХУДО

Рӯи чоп омадани китоби «Бурхи Валӣ-дӯсти Худо», ки дар он симои ин шахсияти маъруф, вале то ба ҳол  наомӯхтаи кишварамон мавриди таҳқиқ ва баррасӣ қарор гирифтааст, дорои аҳамияти маърифатӣ ва фар-ҳангӣ мебошад. Махсусан дар давроне, ки Ватани мо беш аз пеш мавриди таваҷҷӯҳи хоси сайёҳони ҷаҳон гардидааст, ин китоб метавонад дар ин самт барои шавқмандони соҳаи ҳаёти дунявӣ ва мазҳабӣ раҳнамои хубе бошад. Ҷолиб он аст, ки симои Бурх дар ин китоб аз дидгоҳи гуногун мавриди омӯзиш ва тамоми андешаҳои он бо такя ба сарчашмаҳои таърихӣ мудаллал шудаанд. Аз сӯи дигар дар китоб иттилое сабт гардидааст, ки аз нигоҳи таърихӣ аз аҳамият холӣ нестанд. 

БУРХИ ВАЛӢ — ҚУТБИ ОРИФОН АСТ

Хазрати Бурх

Инак асрҳост, ки ҳамасола мақбараи Бурхи Сармасти Валиро дар саргаҳи Оби Мазор, яке аз шохобҳои дарёи Хингоб, ҳазорон нафар эътиқодмандон зиёрат мекунанд. Дар бораи ин бузургвор миёни мардум даҳҳо асотиру ривоятҳои халқӣ аз даҳон ба даҳон паҳну парешон шудаанд.

МАЪЛУМОТ ДАР БОРАИ МАҚБАРАИ ҲАЗРАТИ БУРХ

Мақбараи Ҳазрати Бурхи Сармасти Валӣ

Мақбараи Ҳазрати Бурхи Сармасти Валӣ дар деҳаи Боршид, 25 — 30 км болотар аз деҳаи Сангвор, дар болооби дарёи Оби Мазор — шохоби калонтарини Оби Хингоб воқеъ мебошад. Ин мақбара зиёратгоҳи хосу омми на танҳо аҳолии Тоҷикистон, балки зоирони дигар аз кишварҳои Осиёи Миёна мебошад, ки ҳамасола ба ин ҷо меоянд.

ҲАЗРАТИ БУРХИ САРМАСТИ ВАЛӢ

МАЪЛУМОТ ДАР БОРАИ БУЗУРГВОР

 

Ҳазрати Бурхи Сармасти Валӣ

Маълумотро дар бораи волидайн ва наздикони бузургвор мо аз дастхате, ки дар соли 1997 аз Неъмат Абдуллоев, сокини деҳаи Найгуфи ноҳияи Тавилдара дастрас карда будем, ҷамъ овардаем. Дастхати мазкур дар ибтидои солҳои 1980 аз тарафи собиқ сокини деҳаи Боршид мулло Умар, ки дар ноҳияи Бохтар зиндагӣ мекард, ба Абдуллоев Суннат ва Алиев Назар супорида шуд.